Your Daily News

An Sawrkarin Hriselna Lama Thawktute Aiin Social Media Influencer-te COVID-19 Vaccine Dawng Turin A Ngai Pawimawh Hmasa Zawk

0 334

COVID-19 vaccine chu khawvel ram tam takah pek chhuak mek zel a ni a, a vawikhatna atan hriselna lama thawktute chu ngaih pawimawh hmasak an ni.

Khawvel ram dangte rualin Indonesia sawrkar pawhin January 17, 2021 khan Vaccine a pe tan a, an President Joko Widodo chuan Covid vaccine Sinovac Biotech company siamchhuah chu a dawng hmasa ber a ni.

Hetih lai hian Indonesia sawrkar hotute chuan COVID-19 vaccine dawngtu tur thlan kawngah thutlukna mak ang reng tak siamin, hriselna lama thawktute aiin social media influencer-te chu COVID-19 vaccine dawng hmasa tura tih an ni.

Reuters in a tarlan danin, Indonesia ramah hian media lamah sulhnu ngah tak leh television personality Raffi Ahmad chu President tiam loin COVID-19 vaccine dawng hmasa ber a ni nghe nghe. Raffi Ahmad hian Instagram ah 49.5 million followers a nei mek a ni.

A ni bakah hian media lama milar mi engemaw zat vaccine dawng tura thlan hmasak an ni bawk. An ti mak ang reng phian.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!