Your Daily News

An Rukbo Atanga Kum 33 Liam Hnuah, An Khaw Lem Riruang Chhuia A Ziakchhuah Hnuah A Nu Nen Hlim Takin An Intawng Leh!

0 3,252

Naupangtê a nih laia rukbo tawh China pa chuan kum 33 lai mai liam hnuah, a ngaihtuahna zawng zawng sawmkhawma an khaw map a ziahchhuah hnuah an khuaah kir lehin amah hringtu a nu nen tap chungin an intawng leh tih hriat a ni.

BBC News in a tarlan danin, a tawp a tawpah mi bo Li Jingwei chuan January 1, 2022 Inrinni liam ta khan a pianna khua lutin a nu nen an intawng leh tih a tarlang a ni.

Kum 4 mi a nih laia rukbo tawh Li Jingwei chuan kumhlui December thla liam ta ah khan Chinese Tik Tok Douyin ah kuta a ziah an khaw lem riruang chu a pholang a, he an khawp lem riruang a ziah hi Police-ten uluk zawka zirchiangin a pianna khua nen a lo inmil thlap mai a, a chhungte nen an inhmuhleh theih phah ta a ni.

Thuneituten DNA test an neih hnuah, Li Jingwei leh a nu chu tap chunga inkuahin nufa ngei an ni tih an nemnghet ta a ni. Li hi an thenawm maiah naupangho inkhualtelemna hmanrua hmanga thlem a ni a, an chenna hmun atanga km 2000 dawn a hla Central China Henan Province-ah hruaibo a nih lai hian Li chuan ama hming tak ngial pawh a hrereng thei bik rih lo a ni.

Hun rei tak chhung a pianna thingtlang khaw te tak te atanga hruaibo a nih atang kum 33 zet liam hnuah a pianna khua Yunnan Province-ah 2022 kumthar ni tak January 1 khan a kir leh ta a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!