Your Daily News

An Pianphung Danglamna Avangin Miten Awihlo Mahse Hmangaihna Chauh An Inkarah An Dah Lalber Ṭhin

0 337

Shane Burcaw leh Hannah Aylward-te hi 2016 kum tang khan nupa ni lo ni tawhin an vahchhuahna leh an awmna hmuna hmu apiangte chuan ngaihdan phir neiin nupa an nih tak tak an ring thei lo hial a ni. A tam zawk chuan Hannah chu Shane nupui niloin amah enkawltu, nurse zawk anih an ring bawk.

Hannah leh a pasal Burcaw-te chuan YouTube channel siamin an nupa inkara thil thlengte leh an inlaichinna nghet tak mai chu an pholang thin a ni. He an channel siam chhan ber pawh rualbanloten inthliarhranna leh in enhranna an hmachhawn thin chu theih tawpa tih nep an tum tih an sawi.

Shane hi spinal muscular atrophy natna vei niin a pianphung rualbanlohna chu Hannah tan daltu a tling phalo a ni. Vawikhat chu restaurant-a a chawlh ṭumin hna thawkten naupang ei tur hlir an chhawpsak tih a sawia, beer a lam apiangin an nuih thin bawk a ti ani.

Hannah, hmeichhe fel tak hian engkimah mawh a phura, zunram thiar, zing thawh leh inbualfai tura bathroom lam thlengin Burcaw chu a lo pui thin a ni.

Hei bakah hian an nupa hian nupa pangngai dang ang bawk an nih thu an sawia, Burcaw rualbanlohna avanga an inkar thuah tawngkam ngaihthlak nuamlo an hre fo mai chu pawi an ti tak zet tih an tarlang bawk.

TODAY article ah Shane chuan a rilru ngaihtuahna tarlangin, “Mi tam takin Hannah nena kan inkar hmangaihna chu an hmuhhmaih fo thin a ni. Mi pangai dangte ang bawkin kan inlaichinna chu a ngheta chu chu khawvel hriatah pholan kan tum ber pawh a ni. Kan nupa inkar hmangaihna chu a hlimawm tih leh nupa dangte ang bawkin a takin a ril ani tih ka sawi lang duh a ni” tiin tawngkam a chhuah ve nghe nghe. An lawmpuiawm khawp mai.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!