Your Daily News

An Mit Rawng Dumpâwl Avangin Pa Berin A Fate 2 Leh A Nupui A Tlanchhiatsan

0 765

Tunlai khawvelah chuan thalaiten hmelthat leh menmawi tumin theih tawpin tan an laa, mit lense-te vuahin midangte hmuha ngaihno bei an tum nasa thin hle a ni.

Mahse, chhungkaw pakhatah ve thung chuan nu ber leh a fate 2 in mit rawng dumpawl an neih bik avangin an chhungkuaah inthenna a thleng thung a ni.

A tlangpuiin mit dum pâwl rawng neite hi sapho an ni tlangpui ti ila a sual kher awm lo e. Mi dumho zingah chuan mit rawng paw deuh chhap chu an vang viau mai thei a ni. African nu pakhat Risikat erawh a piantirh atang tawhin a mit rawng a dum pawl tih an sawi a ni.

A mit rawng danglam tak avang hian a nu leh paten khua hmu fiah thei lo turah ngaiin damdawi in lamah an hruai nghe nghe. Mahse, doctor-ten engmah a fellohna a awm lo tih an sawi thung.

Tiang hian sikul a lut thina an zirtirtuten a nu leh pate hnenah Risikat chu an fanu a ni ngei em tih an zawt nawn fo thin tih hriat ani. A chang leh a mit rawng avang hian an ringhlela mak an ti thin hle bawk a ni. A chang chuan a nun pawh a hreawm thin hle tih an sawi.

Risikat chu Abdulwaisu Omo Dada nen inneiin an fanu mit pawh a nu mit rawng ang chiahin a piang tih an sawi. An fanu mit rawng avang hian a pasal chuan a nupui chu ringhlelin a hlim thei meuh lo a ni.

Fanu 2 na tur chu nei lehin a mit rawng chu a nu mit rawng ang tho anih avangin a beidawng lutuk chuan a fanu 2 leh a nupui chu a tlansan zui ta ani. Risikat chuan a pasal tello chuan a fate nen engmah an thawk thei silova a nu leh pate inah a fanute nen an haw ve nghal tih a sawi. A lainatawm kher mai.

Video en duh tan >>

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!