Your Daily News

An Inneihna Lawmpuitute Hmuhah Nupa Tuakten Inneih Chhim Mipui Barakhaihin Meiin An Inhal!

0 1,291

US nupa tuakten an inneih nia an inneih lawmpuitu mipuite hnena an lawmthu sawi let nan leh inneihna dangdai tak an hmang tih lantir nan, inneih chhimtute hmuh laiin mei in an inhal tih hriat a ni.

Gabe Jessop leh a bialnu Ambyr Bambyr te hi thil mak leh hlauhawm tak tak mite hmuhah entira eizawng mi (stunt professional) an ni a, an inneihna thutiam an chham zo chu nneihna hmun atanga an kalchhuah laiin meiin an inhal ta a ni. Mi tam tak chu inneihna an hman zawh hnuin pangpar te leh thil dangin a um zui thin a, he nupa tuakte chetdan erawh ngaihtuahna a buaiin an che bawn hle.

Nupa tuak inneihna video Tik Tok kaltlanga tarlanah hian, Gabe Jessop leh a nupui chu inneihna an zawh hnu chuan pawnah chhuakin, thlalatute leh inneih chhimtute hriatpuinain an nupain meiin an inhal ngat a ni. An thawmhnaw kang hluah hluah nen chuan an nupain an tlan a, an hmuhnawm ang reng hle a ni.

An inneihna thawmhnaw mawi tak an inbel chu a kangalh hluah hluah mai a, a tawpah zei zetin meialh chu tihmih a ni leh ta a ni. He nupa tuah inneihna video hi social media lamah a darh zui a, mi tam takin comments an pe nasa tih hriat a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!