Your Daily News

An Fanu Thluak Lama Buaina Nei Chu A Enkawlna Tur Sum An Neih Loh Avangin Kum 5 Chuang Hmunthimah An Kalhhnan

0 1,235

Philippines hmeichhia kum 29 mi chu vanduaithlak takin 2014 khan Psychotic Depression a nei tih hriat chhuah a ni. A natna avang hian Negros Occidental Province damdawi in, Psychiatric Unit-ah dah luh a ni.

A chhungte leh thianthate sawidanin, damdawi in ah enkawlna a dawn hnu hian a dinhmun chuan that lam a pan tih an sawi a, kum 1 liam hnuah a in lamah doctor-te chuan enkawlna la chhunzawm turin an haw tir tih an sawi.

Vanduaithlak takin an fanu enkawlna an pek mek laiin, pa ber chu damlohnain a tlakbuak ta hlauh maia, an inenkawlna tur sum leh paiah harsatna namen lo an tawk tan ta a ni.

Enkawlna a dawn tur ang a dawn theih tak loh avangin, a natna ngai chu a lo chhuak leh a, thenawm khawvengte tan pawh mi tawrhhlelhawm takah a chang ta a ni. In chhuahsanin hmun hrang hrangah a vak kual a, midang tan harsatna siamtu a nih hlauin a chhungten a khungna room siamin an kalhhnan a lo tul ta hial tih an sawi.

He hmeichhe lainatawm tak hi kum 5 chuang lai mai a awmna tur hmun siamah kalhhnan a ni tawh a, a dinhmun chuan ziaawm lam a pan thei meuh lo. A hma chuan he hmeichhia hian model nih a lo tum ruh hle a, a chunga vanduaina thleng avang chuan hrem hmun ang maia hmun thimah khawsa ta zawk a ni.

A thianthaten a inenkawlna tur sum thawhkhawm an tum mek niin The Sun Online chuan a tarlang a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!