Your Daily News

An Fanu Thi Tawh Ruang Khuaikhemtua Puh Police Hnathawk Lai Chu Thubuai Siamsak A Ni

0 416

October 20, 2019 khan fa pakhat nei tawh chhungkawnu Elizabeth Beggett kum 34 mi chu damdawi hmansual avangin a thi thut mai a, a room-ah saruakin a lo let reng mai a ni.

A thi tih an hriat veleh police-te hriattir nghal an nia, tianga police-ten an buaipui mek lai chuan police hnathawk tho David Rojas kum 27 mi chu room chhungah chuan ruang bulah amahin a awm tih an sawi.

David Rojas chuan Elizabeth Beggett ruang chu a zut vela, a hnute thamsakin a hnute hmawr vel a khawihsak laite chu a taksaa camera chuan a lo man hlauh mai a ni. Minute 2 hnuah camera a off nghala, eng thil ber nge a tih ang tih chu hriat a ni tawh lo tih an sawi.

A thawhpui a thiante pawh chuan a video chu an lo hmu ve bawk a, Elizabeth Beggett chhungten he video avang hian David Rojas chu thubuai siamsakin an report zui ta a ni.

LA County Criminal Court in a thubuai an ngaihtuah tur thu hriat a nia, thiamloh a chang a nih chuan kum 3 chhung tang tura hremna pek a nih dawn tih an sawi. David Rojas hi kum 4 chhung police hna a thawk tawha, a hnathawh chhung hian hmeichhe dang a sualpui em tih pawh an chhui zui dawn bawk a ni.

Elizabeth Beggett fapa Preston Sertich kum 15 mi pawhin a nu ruang chunga police chetdan avang chuan police te ah rinna a nghat ngam ngai dawn lo tih a sawi ve bawk. Hmeichhe tam tak chu an damlai in pawngsual leh khuaikhem an tawka, thih hnu leh zela khawih an ni hi chu thil pawi tak a ni tih a sawi lang bawk. (Buzzfeednews)

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!