Your Daily News

An Fanu Duh Tak Thih Hnuah A Duhthlan Mak Tak Avangin Harsatna Leh Buaina Namen Lo Tawkin An Buai Phili

0 896

Auatralia ram Perth a khawsa tleirawl kum 15 mi chu hmeichhia ni mahsela a nihna thlak danglamin mipa rawlthar ah a insiam danglam tih hriat a ni. Vanduaithlak takin mahni intihhlum a tum hnu March 4 khan a thi zuia, a hming leh chanchin kimchang tak erawh thupsak a nih thu Western Australian chuan a tarlang.

Hmeichhia atanga mipaa a inthlak danglam a nih avangin a piantirha a hming pawh thlak ani. Mahse, kum khat pawh a ral loh avangin a piantirh hming chu an thlak thei mai lo tih an sawi. A hmeichhe nihna chu a lungawipui theih loh avangin mipaah a inlet a, a tawpah a nun beidawngin amahin a nunna a inla zui ta a ni.

An fanu, mipaa inlet ta thih hnuah a nu leh pate chuan buaina namenlo an tawk chhova, a ruang an hal hnuah a vâp chu a nu leh pain an inchuh buai tih hriat a ni. A pa chuan an fanu chu a piantirha a nih ang hmeichhe nihnain vuiliam a duha, a nu ve thung chuan an fanu duhthlanna mipa ang ngeiin vuiliam tha a ti thung.

A lungphuna a hming ziah dan tur thlengin an buai chho ta zela a pa chuan a piantirh a an fanu hming ngei chu ziahlan a duh laiin a nu chuan mipa a nih hnuaa a hming chu a lungphunah pawh ziah lan a duh a ni.

An buaina chu a sosang chho zela, a nu leh pa chuan remna kawng an zawh mai theih loh avangin Court ah hial zualko a tul ta ani. Court chuan an fanu ruang halna vâp chu hmun 2 ah a thena, an insem zui ta ani.

An fanu ruang halna vâp chu hmun 2 an thenhran mai bakah a ruang vuina hun pawh hmun 2 ah an hman a lo tul ta bawk. An fanu chu hmeichhia a nihna anga vuina hun leh mipa anga vuina hun chu a hrangin an kalpui tih an sawi. A lungphun pawh 2 siam a lo ngai leh ta zel bawk.

Nu ber chuan a fanu chu mipa nih a duhna hriatthiampuiin hmeichhe hming a puttir a nih chuan a thlarau pawh a lungawi thei dawn lo tih sawiin, a pasal nen Court ah hial an thlen phah a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!