Your Daily News

An Chenna Ina A Ruka Lo Khawsa Thin A Nupui Ngaihzawngin Nen silaiin An inkap

0 917

An Chenna Ina A Ruka Lo Khawsa Thin A Nupui Ngaihzawngin Nen silaiin An inkap

Alabama a khawsa pa pakhat chu a nupui bialpa nen silai nena an inhmachhawn laiin na taka kahhliam a ni tih an sawi. News Report in a tarlan danin, Alabama pa kaphliamtu misual hi nupa tuakte chenna inah hian a rukin a kum tel teh meuh a lo khawsa tawh niin a tarlang.

Frank Reeves tia koh chu Michael amcker kum 53 a upa chuan a awmah tak a kap fuhin, he pawikhawihna thlenna hmun hi Frank Reeves te nupa tuak chenna hmun Creola ah a nuia, pawikhawihna thlen hun hi Sunday zan, zan dar 9 velah a nih thu WALA chuan a report a ni.

In neitupa Reeves chuan silaiin a nupui bialpa Amacker chu a ke ah leh a kiu ahte a kap let tih hriat a ni. Police-ten an chhuichianna atanga a landanin, Frank nupui Tracy Reeves chuan a pasal hnenah an chenna in chhungah mi lutru an awm niin a sawia mahse, Amacker hi inchhungah a lutru niloin Tracy nen hian a rukin an lo inngaizawng zawk a ni. Tracy chuan kum 1 chuang teh meuh a rei a rukin a bialpa chu a lo khawsak tir tawh tih hriat a ni.

Police-te sawidanin, Amacker chu a bialnu Tracy in a rukin chaw leh tui a lo pe thina, bathroom leh pawnah zung ngam loin Bottle ah a zun a lo khawla room-ah a lo dahtha thin tih an sawi a ni. Mobile county Sheriff Capt. Paul Burch sawidanin, Tracy leh a bialpa Amacker-te hi damdawi an rui thina, an khawsak dan leh an chezia chu a rinphak baka mak a ni a ti bawk.

Inneitupa Frank Reeves leh a nupui ngaihzawng Amacker-te chu damdawi in lamah an inkahna hliam, enkawl mek an nih thu an sawi.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!