Your Daily News

An Chenna In Chung Rawn Dengchhetu Lungmanto US$1.8 Million Man Chuan Nikhat Thilthuah Mihausa Tawntawah A Chhuah Der!

0 1,738

Indonesia, North Sumatra a khawsa Josua Hutagulung hi mithi kuang zawrh tur siam a sundawng thin a nia, a dinhmun chu chuti lutukin a that a rinawm lem lo.

Nikhat chu vanneihthlak tak maiin mithi kuang siama a virbuai mawlh mawlh laiin a hnathawhna in chungzawn tak chu, vansang atanga lung lo tlathla chuan a rawn deng nghing lawih mai a ni.

Josua Hutagulung chuan an chenna in rawn dengtu chu tek tlain khawpui ri nasa taka a thlen nia ngaiin, a hlauthawng ang reng hle tih The Sun chuan a tarlang a ni.

Tualchhung chanchinbu Kompas in a tarlan danin, Hutagulung chuan an chenna in chung rawn deng nghing awrhtu lung meteorite 2.2kg vela rit chu a hmuhin a chhar a, a lung pawh a lum ther ther niin a sawi. New York Post in a tarlan danin, he lungchang meteorite hi kum 4.5 billion zet a upa tawh a ni tih a ziak lang bawk.

He lung manto chanchin hi social media lamah post a nih hnuin, mite hriatah a chanchin chu a darh zui ta a ni. Lung lama mithiam Jared Collins chu thil awmdan thlithlai turin an tir a, lung manto a ni ngei tih nemnghetin US ah $1.8 million in an lei ta a ni. Tunah hian he lung manto hi Centre for Meteorite Study, Arizona State University-ah dahthat a nih thu an sawi.

Pa vannei tak Josua Hutagulung chuan nikhat thilthuah lung manto chuan mihausa tawntaw ah a chhuah ta der mai a ni. He lung manto hian Josua chu a hnathawhna atanga kum 30 chhung a sum lakluh zat a hen pha tih an sawi.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!