Your Daily News

Amah Thlahna Hun Hnuhnung An Hman Mek Laiin Footballer Boral Ta Chuan Kuang Atangin A Goal Hnuhnung Ber Tur A Petlut!

0 2,373

Chilean Side Aparicion de Paine tana khel mek footballer Jaime Escandar kum 37 mi chu kum liam ta lawk khan a boral hlauh mai a, amah awm tawh lo mahse a kuang atangin a thiantha leh a football khelhpuite chuan a tawpna atan goal an khung tir tih hriat a ni.

Vanduaithlak tak maiin Jaime Escandar chu kum 2021 ni tawpber niah a boral a, a ruang hi thlanah phum a nih hmain a khelhpui (teammates) te chuan a hun tawpna atan amah hriatrengna hun an hmang tih an sawi.

January 3, 2022 niah Chilean Side Aparicion de Paine players te chuan an thianpa Escandar ruang chu khelmualah a kuang nen an zawnchhuak a, a teammate zinga mi pakhat chuan yard 6 huamchhung goal bulah a kuang lam hawiin Escandar chu Ball a passed a, a kuang a pet per hnuah ball lo khawklet chu Edcandar goal hnuhnung berah an chantir ta a ni.

Escandar hriatrengna hun an hman lai chu mi thahnem takin an lo thlir ve bawk a, a teammates te chu Aparicion kawr hring nen inthuamin uluk tak maiin an thianpa Escandar kuang chungah hun an hmang a ni. He footballer hriat rengna hun an hman lai video hi Chile khawpui Santiago bul mai Huelquen atanga lak niin, reilote chhungin social media lamah a darh chiam tih hriat a ni.

News Site 24 Horas tarlan danin, football ngaina tak mai Escandar hi rinloh takin a boral thut tih a tarlang a, a thih chhan erawh a ziak lang lo thung. Aparicion football club chuan Escandar sulhnu leh nunhlui te chu engtikah mah theihnghilh a ni dawn tawh lo tih an tarlang ve bawk.

https://youtube.com/shorts/dzembUhqxs0?feature=share

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!