Your Daily News

Amah Hringtu A Pa A Zawnga, Unau 25 Zet A Nei Tih A Hrechhuak

0 566

UK tlangval Oli Benjamin chu 1990 kumah a pianga, a nu leh pate chu mipa leh mipa nupui innei an ni. Midang chi an leia (IVF) hmanga piang a ni nghe nghe. Hetih lai hian UK ah heng ang naute piantirna a awm loh avangin America-ah an kal va kal ngat a ni.

A nu leh pate chuan duat takin an enkawla, a naupan lai atang tawhin midang chi hmanga piang a nih thu pawh zep loin an hrilh nghe nghe. Kum 18 mi nihin amah hringtu a pa chu hmuh ngei a duh avangin America ramah a va zin tih an sawi.

A pianna damdawi in atangin an zawng tana a pa Daley nen chuan an intawng ta a ni. Daley chuan a thil tih chu zep loin Oli Benjamin hnenah unau 25 a neih thu a hrilh ta a ni. Donor Siblings Registry a hming ziahte chu a en a, unau 25 a nei tih chu a hrechhuak ta bawk.

A pa in a chi chu mi hrang hrang hnenah a pe tih sawiin unau tam tak a neih phah tih a sawi. A unaute nen pawh an inhmua, an pianchhuah dan kimchang chu engmah an hre lo tih a sawi. Amah hringtu a pa bulah awm chu nuam pawh a ti lova, an mizia pawh a in ang lo a ti bawk.

UK ah a nu leh pa hnenah a kir leh a, amah hringtu a pa chu tlawh nawn leh pawh a tum tawh lo a ni. Oli Benjamin chuan amah anga piang ve te chu an piandan chipchiar taka chhui zui lo tur leh an nu leh pate pawh zawng buai lo turin a chah zui bawk. A chanchin chu hrelo law law se a tha zawk tur tih a sawi.

“Daley chuan ka pa ang pawhin ka en thei lo, ka zinna atanga ka thil hriat chhuah chu i seilenna, nangmah lo enkawltu leh nangmah duattute chu i chhungkua dik tak an ni” tiin Daily Mail a hrilh.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!