Your Daily News

Amah An An Loh Nan Pu Kim-a’n Khapna Thupek Mak Danglam Tak A Tihchhuah Chuan Sawi A Hlawh!

0 1,030

Report atanga a landanin, North Korea sawrkar chuan savun atanga a siam kawrfual lam chi reng reng chu a ram mipuite hnenah hak khapna thupek a chhuah niin an sawi. He khapna thupek a lo chhuahna chhan ber pawh Savun atanga siam thawmhnaw lam chu an dictator Kim ngainat zawng tak leh hak duh zawng tak a nih avang a ni.

2019 kumah a vawikhatna atan Dictator Pu Kim chuan savun kawrfual a hak lai chu hmuh niin, heta tang hian ram pumah savun kawrfual (leather coat) chu a lar chho ta em em mai a ni. Mi tam zawk chuan an thawmhnaw hakah savun kawrfual lam hawi fashion chu an uar chho hle!

Tianga mi tam zawkin savun atanga siam an lo ngainat chhoh tak hnu hian, dictator Kim Jong-Un pawh a ngaih a tha thei bik lova, savun kawrfual leh savun atanga siam incheina lam chi chu hak khapna thupek a chhuah bakah Dawr neitute pawh hralh khapna thupek a tichhuak zui ta a ni. A incheina mipui mimir in an lakchhawn chu duh loin, nakin ah a thuneihna thlenga khawihchhe thei thil niah ngaiin a khap ta hmak mai a ni. He thupek hian sawi a hlawhin, mimal zalenna chu nasa taka nekchepin a awm a, a thil tih hian sawi a hlawh em em mai ani.

North Korean Police thuchhuahin a tarlan danin, Kim Jong Un kawr design ang inbel leh hak chu Dictator thuneihna hnehchhuh tuma puh an nih tur thu leh hremna an pumpelh hauh loh tur thu an tlangzarh zui tih Radio Free Asia chuan a tarlang a ni.

North Korea nuclear chungchangah Kim leh Pu Trump te December 2019 kuma an inbiak tum khan, Kim chuan savun kawrfual a ha a, heta tang phei hi chuan savun atanga siamchhuah reng reng chu Lal chhungkaw hak atan bika dah a ni chho ta zel a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!