Your Daily News

Alien In Vawi 52 Chuang Zet An Rukbo Tawh Thu Nu Pakhat Chuan Sawiin, A Taksaah Sulhnu Danglam An Hnutchhiah

0 965

Mithiamte chuan kan chenna khawvel piahlam van boruak sang takah khian nunna nei midang an cheng ve niin an sawi thina, finfiahna tha tak takte pawh an chhawp chhuak bawk. Mahse, he thil hi vawiin ni thlenga inhnialna tawp thei lo a nia, thudik a ni ngei em tih pawh finfiahna chiang tak a awm chuang lo a ni.

Fa 2 nei tawh nu pakhat chuan Alien in vawi 52 chuang lai an rukbo tawh thu sawiin, khawvel piahlam vân thengrengah an zinbopui tawh tih a sawia, he a thil tawn hi thudik ngei ani tih finfiahna pawh a neih thu a tarlang bawk.

Bradford a khawsa nu pakhat Paula tia koh kum 50 mi, a hming dik tak tarlan duh lotu sawidanin kum 6 mi lek a nih laiin thlengthlawk thei (UFO) kan tih mai a chhunga Alien awmte chuan vawi tam tak van boruak sangah an thlawhbopui tawh niin a sawia, a chunga thil thleng chu hun rei tak a lo ngawihbopui niin a sawi a ni. Alien-te sulhnu a taksaa hmuh theiha awm chu finfiahna atan a thlalak a pholang zui bawk.

A chunga thil thleng chu mi tam zawkten an tawn ve loh avangin an tan hriatthiam a har tih sawiin, hmuhsitna leh sawiselna tawngkam pawh a dawng nasa hle tih a sawi a ni.

Paula sawi danin a chungah thil mak danglam tak mai leh Khawvel pawn lam miten an rukbo dan chu sawilangin vawi 52 zet Alien-ten an rubo tawh tih a sawia, Alien-ten an hruaibo dawn hian dan pangai takin hriatlawk theihna a nei chuang lova, a chang chauhin thil engemaw lo thleng tur a hriatlawk thu a sawilang bawk.

Alien-ten an hruaibo hmasak ber tum chu 1982 kumah niin, a bân ah Alien-te kutze hnu (fingerprint) pawh hmuh theihin a awm thu a sawichhuak a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!