Your Daily News

Alaska In Thla 2 Chhung Ni Eng A Hmu Dawn Lo

0 1,343

Alaska, Utqiagvik-ah November 19, 2020 khan pangai takin zingah ni a chhuaka tlaiah tla lehin hemi ni atang hian ni 60 ral hma chu ni a chhuak tawh dawn rih lo ani.

He thil hi thil awmdan pangai a nia, kum tinin Alaska ah hian thlasikah Polar Night avangin he thil hi a thleng thin tih an sawi.

Alaska a khaw te takte Utqiagvik ah hian thla 2 chhung ni eng hmu loin hun an hmang thina, kum tin he hun hi an thim hun a ni. He thil hi ‘polar night’ tia vuah niin thla sik a lo thlen apiangin Ukqiagvik a chengte chuan he hun hi an hmachhawn a tul thin a ni. He thil hi kan awmna lei inher vel avanga awm a ni tih mithiamten an sawi.

Ukqiagvik hi khawte takte a nia, Arctic Circle hmar lama awm a ni. A hma chuan he khua hi Barrow tiin an ko thin bawk.

CNN Meteorologist Allison Chinchair sawidanin he khua hi zan thim chhah tak ang erawh chuan a thim dawn lo tih sawiin, zinglam ni chhuah hmaa van awmdan leh tlailam nitlak hnua unau hmelhai ang velin a thim dawn tih a sawi.

Tun atanga January ni 22, 2021 hma chu ni eng hmel an hmu dawn rih lo tihna a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!