Your Daily News

Afghanistan Ram Buaia Kabul Airport A Naute Bo Chu A Chhungte Nen Hlim Takin Mittui Nen An Intawk Leh!

0 446

Afghanistan ramah Taliban hoin thuneihna an lak tum khan a ramchhunga cheng mi tam tak chu lungngaiin an rum a, Taliban ho thuhnuaia awm chu an zuam ngang lo a ni ber.

Hetih lai hian Afghanistan khawpui Kabul Airport-ah US thlawhtheihna chuan mi engemaw zat hmun him lamah a thiar chhuak a, an zingah hian naupang te te te pawh an awm ve bawk. Afghan hmeichhiate chuan an fate chu US sipai ho hnenah ngaihtuahna mumal pawh seng hman loin an pe tawp mai a, Taliban ho awpna hnuaia naupangte dinhmun leh an chan tur chu an ngai ngam ngang lo a a ni.

US sipaiten mi an thiarchhuah lai hian naute thla 2 a upa Sohail Ahmadi chu airport hungna thirlen chung atangin US sipai kutah an pe tih hriat a ni. Tianga an tihna chhan pawh Kabul airport luh tum mi an thahnem em avang leh naute chu a thih mai a hlauhthawnawm avangin Airport an hungna thirlen chungzawn atangin Sipai kutah an pe tawp mai a ni.

Naute chhungte chu Airport hung chhungah an lut a, an fa nausen erawh khawnge a awm an hre ta hauh lo mai le! Naute Sohail Ahmadi pa Mirza Ali Ahmadi chu US Embassy a security gaurd tang lai a ni a, a nupui Suraya bakah a fate 4 chu Taliban firfiak hlauin US ah an thlawklut tih an sawi.

Naute chu hun engemaw chen an zawn buai hnuah Reuters Report ah naute chanchin leh a awmna chu an hmu fuh ta hlauh mai a, November thla tawp lamah khan Taxi driver kum 29 mi Hamid Safi chenna inah an zawng hmu thei ta a ni.

Taxi Driver Hamid Safi sawidanin, naute chu ngaihsaktu nei loin airport ah a tap lai a hmu tih sawiin, a lainat em avang leh a nu leh pa te a hriat mai loh avangin in lamah a hawpui ta a ni a ti. An va lawm dawn teh lul em!

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!