Your Daily News

Actress Lar Leh A Pasalin An Awmpui Hmeichhia In Chhawng 2 Pein An Surprise!

0 941

Fillipina actress lar Dimples Romana, ‘Gadenang Ginto’ (The Heiress) TV series avanga mite hriat hlawh tak chuan hmanni mai khan video thinlung hneh zet a phochhuak tih hriat a ni.

He a video ah hian an laka mi rinawm tak mai hmeichhe pakhat an chenna in enkawl thintu hmeichhe kum 17 mi chu a damchhungin a hringnun an thlak danglam sak ta a ni.

Dimples Romana leh a pasal Boyet Ahmee-te chuan an in gghaktu hmeichhe kum 17 a upa Vilma chu inchhawng 2 zet pein an surprise ta thut maia. He thil pek hlu tak dawngtu Vilma pawh a lawm em avangin a mittui a tla hial a ni.

An nupa hian fing takin ruahmanna an siama, Vilma chu in chungchangah a ngaihdante zawtin in chu an fan kualpui hmasa te te a, a hnuah deuhah Bedroom puiah an luta,

“Yes, This is for you”

Tih thuziak Vilmain a hmuh zet chuan a lawm avangin a mittui a tla hial a ni. A chunga that chhuaha thilpek ropui tak hlantu actress leh a pasal Ahmee-te hnenah lawmthu a sawi mawlh mawlh bawk.

Romana leh a pasal, Ahmee-te pawhin hun rei tak chhung an chhungkua enkawla, an mahni chenpuitu Vilma hnenah lawmthu sawi let vein an tana a inpekna chu ropui an ti tak zet tih an sawi.

An awmpui Vilma hnenah lawmthu sawi nan leh an hmangaihzia lantir nan inchhawng 2 chu Vilma tan liau liau an hlan tih hlim takin an sawichhuak a ni. Vilma tan chuan eng ang takin hlu ang maw! (VIDEO)

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!