Your Daily News

A Zirpui Kum 21 Miin Pasal Atan Duh Lova A Hnawl Avanga That Zuitu Chu An Tihhlum Lai TV Kaltlangin Live A Ni Dawn!

0 9,510

2020, June 20 liam ta khan Northern Egypt, Mansora University zirlai tlangval Mohamed Abel kum 21 a upa chuan a lehkha zirpui Naira Ashraf kum 21 a upa chu kut a thlak chiam hnuah chemtein a vithlum zui tih hriat a ni.

Abel leh a zirpui Naira te hi zirna in pakhata kaldun an nih angin, nitin an inhmu fova, a mipa zawk Abel chuan a thiannu Naira chu hmeltha a tiin nupuia neih hial a duh ta mai a. Mahse, nupui atana inneih a sawm meuh chuan Naira chuan a lo duh silova, Abel thinrim rilru na chuan Bus atanga Naira a lo chhuk veleh tiang hian a that ta mai a ni.

He tualthahna hi a rapthlak dangdai a tih loh theih loh. A chhan chu Abel hian hmeichhe awm nem zawk leh chaklo zawk Naira chu vawi tam tak kut a thlak bakah chemtein a vit nawn sek bawk ani. A lu leh a taksaah te a tum vak vak bawk tih mit a hmutute chuan an sawi. Buaina thlen laia lo awm ve midangte chuan Abel chu chelhbetin, a hmeichhia zawk Naira erawh a hrawk zai a nih avangin thisen a hloh nasa a, thih ngamin kawngpuiah chuan a let ta reng mai a ni. A hnuah Damdawi in panpui niin a hliam tuar loin a boral zui ta ani.

Abel chetdan rapthlak tak mai chu Egyptian Court chuan uluk taka a ngaihtuah hnuah thi turin a chungthu a pawtchat ta a ni. Hetih rual hian heng ang tualthahna leh pawikhawihna rapthlak tak mai hi Egypt ramah a awm tawh loh nan, Court chuan an ram Parliament-ah ngenna thlenin Abel an khaihlum lai chu TV kaltlanga Live a pek chhuak turin an ngen a ni.

He an dilna hi phalsak an nih chuan, Abel an khaihlum lai chu Live in TV kaltlangin a en theih dawn a ni.

Judge Bahaeldin Al Merri chuan ti hian a sawi a, “I thihna chuan i dam ai khan zir tur leh entawn tur tha midang tan a keng tam zawk thei a ni” tiin Abel tualthaha hremna an pek dan chungchang a sawi lang nghe nghe.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!