Your Daily News

A Video Duhawm Lo Tak Darh Zui Tain A Nunah Nghawng A Neihdan Ex-WWE Superstar Paige-in A Sawichhuak

0 13,343

Khawvelah hian milar tam tak chu nundan tawk thiam loin, an hmelthatna leh an larna te hmangsualin, a tawpah hreawm takin hun an hman phah fo thin a ni.

2017 kumah WWE huanga hmeichhe lar tak mai Paige chu mipa kum 19 mi nen mipathmeichhiatna an hmandun lai video internet lamah a darh chiam mai a, hemi tum hian Paige chu a mualpho na ve hle a ni.

Paige, a hming tak Saraya chuan khatia a video leh thlalak duhawm lo tak mite hmuhah a darh chiam hnu kha chuan, khawvelah dam thlakhlelhna nei lo khawpin beidawnnain a tlakbuak tih a sawi a, a nun chu a tawp a ni ber tih a sawi a ni.

Amah sawidanin, Twitter lamah a bulhnaia awm mi pakhat chuan a thlalak chu a hmuhtir tih sawiin, a saruak thlalak a hmuh meuh chuan a zah em em thu leh sawi ngaihna pawh a hriat loh thu a sawilang bawk.

Ex-WWE superstar Paige chuan, a video leh thlalak darh zui ta avang hian a chhungte hmel hmuh a hreh thu leh a pa hmel hmuh a ngam loh thu a sawia mahse, vanneihthlak tak maiin a dinhmun chu a pain a lo hriatthiam khawp a, a fanu pro wrestler chu a la chhuang reng tho tih a lo hrilh nghe nghe. WWE lam pawhin hun harsa leh hun khirh tak a hmachhawn lai hian an hnungchhawn ngai lova theih tawpa tanpui an lo tiam a ni.

A video darh zui ta avang hian rilru lamah buaina leh pikna nasa tak mai a neih thu Paige chuan a sawi a, mahni nunna lak mai duhna thinlung a pu hman hial a ti a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!