Your Daily News

A Tui Loh Lam Tak Hna Petu Company Chu Khingletin Zangnadawmna Sum (Rs.33,58,628) An Pe!

0 885

Kan tui zawng leh nuam kan tih zawng tak hna kan thawh chuan ninawm kan ti lem lova, hlim tak leh phur takin hna kan thawh theih phah thin a ni. Mi tam zawk chuan kan damkhawchhuah nan eng hna pawh kan thawh a tul thin a ni.

France khawpui Paris a khawsa pa pakhat a hming Frederick Desnard chu France rama perfumes siamchhuaktu Company Interperfumes a thawk lai a ni a, a hnathawh chu a tui loh em avang leh ninawm a tih em avangin rilru lamah buaina a nei a, a hna chu a chawlhsan a tul ta hial a ni.

Amah Desnard sawidanin, an company dawrtu chu an tlahniam zui bawk a, a dinhmun chu nasa taka a tlakhniam hnuah kut hna a thawh hial a lo tul ta bawk a ni.

UNILAD in a tarlandanin, Desnard chu a hriselna a chhe chho tial tial a, doctor chuan a dinhmun enin a hna atanga chawl mai tur leh a phurrit phurh chu dahtha rih tura a tih hnuah thla 6 lai chu a chawl zui ta a ni. A lawyer sawi danin Desnard hian rilru lamah pikna nasa tak mai leh taksa damlohna hial thlen thei a vei tih a sawi lang bawk.

Desnard-a’n a hna a chawlhsan tak hnu chuan ngaihtuahawm khawpin a nun a hmang chhova, France lower court chuan Desnard tawrhna leh a chunga thil thleng chu Interperfumes company mawhphurhna a nih thu tarlangin, zangnadawmna pe turin a thutlukna a siam fel ta a ni. Paris Appeal Court chuan he thutlukna hi pawmpuiin, Desnard chu Rs.33, 58,628 zet an pe ta a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!