A Tleirawl Laiin Mi Thi Tawh Footballer Diego Maradona In A Nu Mit Hmuhah A Pawngsual Tih A Sawichhuak!
Khawvel infiam mite zinga mi ropui Diego Maradona chu a thih hnuah hmingchhiatna in a zui ve ta tlat mai! Nu pakhat chuan Footballer Maradona in tleirawl kum 16 mi a nih laiin, a nu mit hmuhah ngei tap chungin a pawngsual tih TV interview kaltlangin a sawi.
Mavys Alvarez Rego sawidanin, Cuba ah mipathmeichhiatna lam hawia hralhruk a nih laiin, footballer boral ta Diego Maradona nen hotel room-ah an intawn thu a sawi a, he hunah hian pawngsual a ni tih a tarlang a ni.
He thil thlen lai hian Diego Maradona chu kum 40 a upa a ni a, hmeichhe tleirawl hi kum 16 a tling awrh chauh a ni.
Mavys in mittui tla chunga a sawi danin, Maradona hian ruihtheihthil in a hrairui hmasa niin a sawi a, a hnute chu damdawi hmanga tilian turin a nawrlui bawk a ti a ni.
A sawi zelnaah tleirawl Mavys chu hotel room-ah kalhhnan a ni a, he hunah hian Maradona chuan mipathmeichhiatna hmanpuiin, a pawngsual tih Argentina TV in interview a neihpui laiin a sawi chhuak a ni.
2020, November thla liam ta a boral ta Maradona leh a thuihruaite chuan 2000 kuma an intawn hnu khan Mavys hi an ta chei tan niin an sawi a, Argentina ah pawh thlawhtheihna hmangin an zinpui thin tih hriat a ni.
Hei mai a la nilo, Mavys chuan Maradona leh a thurualpuite chu Argentina khawpui Buenos Aries-ah mipathmeichhiatna lam hawia dankalha sumdawnnnaah an inhnamhnawih niin a sawi a, a hnute pawh Maradona duhdan angin a tilian niin a tarlang bawk. TV a an kawmnaah Mavys chuan engmah zep then nei hauh loin a chunga thil thleng leh Maradona chetdan chipchiar tak chu a sawi chhuak ta vek a ni.
