Your Daily News

A Thisen Zawmpui A Nauin A Thlalak Hmangin Tlangval A Lo Thlemthlu A, A Hnuah Thudik A Lanchhuah Meuh Chuan…

0 538

Inbumna khawvelah kan cheng meka, mi an nihna tak hre siloin thutak khuka lo khukpui a awl hle mai. Facebook leh IG lamah mahni nihna tak thupbo a, danglam taka intar chhuak an tamin i chat pui mek nula/ tlangval kha amah dik tak a ni lo thei tih hre hmasa phawt teh. I thian hnaiber pawh i hmelma a lo ni thei reng tih hria la fimkhur hle ang che.

Hmeichhe pakhat sawidanin a thisen zawmpui a nau ngei chuan a thlalak chu tlangval thlemthluk nan a lo hmang thin tih sawichhuak ta tlat mai.

He thil hi a nau Izzy leh James-te inkar thu niin mite hriatah Reddit lamah a tarlang zui ta a ni. “Kum 4 liam ta khan kan nau Izzy in ka thlalak hmangin tlangval James a lo thlemthlu” tiin bul a tana, a hnua thil thlendan pawh a tarlang bawk.

Izzy chuan nikhat chu a u thlalak hmanga a lo thlemthluk James chu an chenna hmunah amah tlawh turin a sawm ta hlauh mai a, James pawh chuan lo rem tiin an chenna hmun a lo thlen meuh chuan a aiawhin a u chu a din a tul ta tlat mai! Mahse, a hnuah Izzy chuan a thiam loh a ni tiin a chetdan chu inpuang fai ta vek a, James pawh chuan ngawi rengin a lo ngaithla ve bawk.

Tichuan, an reh deuh vang vanga thla 6 hnuah a u (thlalak neitu dik tak) chuan James sulhnu chu chhui zuiin an inzui chhunzawm ve leh ta nghala, an number-te pawh an inpe tawn tih a sawi a ni. Tianga an inbiak chhoh hnu chuan an inhmangaih chho tial tiala, an chungchang chu chhung leh khatte hnenah an sawi tlang ta law law bawk.

A nau Izzy leh a unaupate an hrilh bakah a nu leh pa (inthen tawhte) hnenah pawh an sawi tlang tih sawiin, a pa leh a unaupate chuan tha an tihpui thu a sawi ve nghe nghe. Mahse, a nau Izzy leh a nu erawh an ngawi hmak a, an inkar chu tha an tihpui em em lo niin a sawia, hei vang hian a rilru pawh a hlim zan bik lo a ni.

A nau Izzy pawhin a tihpalh tih sawiin an 2 in ngaihdam a dil ve ve a, an intawn chhohdan chu eng pawh nise, an inhmangaih tak em avangin inneih mai an tum tih hriat a ni.

An chungchang chu a pa leh a unaupate nen chuan an sawi dun fova, a nu leh Izzy kiangah erawh an sawi khat ang reng hle thung. Kum 3 chuang lai mai an lo inzui tawh avang chuan inneih mai chu tha an tih thu an sawi.

Mahse, a nau Izzy thil tih dan leh a hnua James nen an intawn chhoh leh dante chu ngaihtuah zuiin inneih chu thil tha ber a ni ang em tiin Online lamah puihna a dil zui ta a ni. Tunah hian a hmeichhia zawk chuan nau a pai tawh nghe nghe tih a nu hnenah zep loin a sawi lang bawk. An hma hun tur pawh sawilawk a har ngei mai. A boruak a khirh ang reng phian a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!