Your Daily News

A Thihni Tur A Hrilh Lawka A Thleng Dik

0 510

Mahni thihni tur leh an chunga thil thleng tur sawi lawk mi tam tak sawi tur an awm nachungin a thleng dik vek lem lo. Doctor-te pawhin an damlo enkawlte chu an dam hunchhung tur sawi lawk mahse a dik vek kher lo bawk.

Mak tak maiin Thailand ram pitar pakhat kum 91 a upa chuan a thih hun tur hun leh ni tur a hrilh lawk chu a thleng dik tlat tih hriat a ni. Mi tam takin mak an ti hle.

Udon Thai Province a khawsa pitar Marnsri Khamsorn kum 91 mi chuan a fapa leh a monu hnenah “July 19 tlailam dar 5:30pm ah ka thi ang” tiin a lo sawi lawk ani.

Pitar harhvang tak leh damtha pangai tak anih avangin nu ber thusawi chu an ngai thu tak vaklo tih an sawi. July 19 a lo her chhuah meuh chuan tlailamah chaw an ei ho hnuin dar 5:30pm ah chiah a thi ta thut maia, a chhungte pawh chuan mak an ti hle a ni.

Hemi ni vek tlailam dar 6:30pm ah pitar ruang chu an endika a hrawkah chaw mal a tang tih hriat a ni. Doctor-te chuan a thih chhanah chaw mal tang chu an puh zui bawk.

A monu leh a fapa hnenah Ni 2 liam ta, July 19 ah ka thi ang tia a sawi chu a thleng dik ta chiah a ni. Thla khat chuang lai chu amahin a phun deuh renga, tunge a biak tia an zawh chuan a chhungte thi tawh nen an inbia tih sawiin, an hnena kal ve turin an lo nghak reng tiin police-te hnenah a sawi nghe nghe. (A rapawm ang reng viau zawk a ni.)

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!