Your Daily News

A Thih Chhan An Chhuichiannaah Hmeichhia A Mutpui Laia Vawrtawp A Thlen San Em Vanga Thi A Ni Tih Thuneituten An Nemnghet

0 3,033

Phalombe, Malawi-ah pa pakhat chu nawhchizuar hmeichhia a tlawh a, a mutpui hnuin a thi tih hriat a ni. A thihchhan postmortem result atang a landanin mipathmeichhiatna a hman laiin a vawrtawp a thlen san em vangin a thihphah tih medical expert-te chuan a nemngheh a ni.

Police-te sawidanin Charles Majawa kum 35 mi chu hmeichhe nawhchizuar nen mipathmeichhiatna an hman zawh atanga rei vak loah nikhawhreloin a awm zui tih an tarlang a, a nunna chhan hman a ni ta lo tih an sawi. Charles thihdan chu Police-te hnenah report a nih hmain, a hmeichhe mutpui chuan thil awmdan a thianthate hnenah a sawichhuak niin an sawi bawk.

Migowi Health Centre a thawktute leh medical Examiner-te chuan Charles Majawa taksa an endik hnuah August 18, 2020 khan Mr. Majawa chu mipathmeichhiatna a hman mek laiin nuam tuar loin a thi tih an nemnghet zui ta a ni.

Postmortem atanga a landanin, Mr. Majawa hian vawrtawp a thleng sang hle a, hei hian a thluaka thisenzamte a tikeh chhe zo niin an tarlang a ni.

Police-te chuan Majawa hmeichhe mutpui chu thubuai siamsak anih dawn loh thu an sawi lang bawk. Tualchhung newspaper Nyasa Times chuan, “Pa lainatawm Charles Majawa kum 35 mi chu, nawmna nasa tak leh thil duhawm tak tuar loin a boral a ni” tiin an tarlang bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!