Zirhtawpni liam ta khan Ecuador ram khawpui pakhat Babahoyo ah nu pakhat chu a ruang vuina hun an hman mek laiin, ruangvuina hmuna kalte hmaah a kuang chhung atangin nungin a tho leh tih an sawi.
Tualchhung media pakhat Jam Press-in a tarlandanin, pitar kum 76 a upa Bella Montoya chu lungphu tha lo natna avangin Hospital-ah a boral a, Doctor pawhin a thi tih nemngheh nan dead certificate a siam fel nghal tih an sawi.
Video atanga a landanin, hmeichhe thi ta fapa Gilbert Balberan chuan a nu thi tawh chu ngun taka a en reng laiin a thawk a la niin a hria a, a kuanga atang chuan an lachhuaka Stretcher ah an muttir ta a ni. Stretcher a an muttir tawh hnu chuan mithi Montoya ban chu chein kuang a va dek a, a thi tih an puan atanga darkar 4 liam hnuah a nung leh ta a ni.
Tianga a thih tih puan hnua a lo nun leh hnu chuan a damdawi in a luhna ngaiah an dahlut leh a, damdawi ina thawk Doctor leh nurse te pawhin Montoya dinhmun chu a zia chho zel niin an sawi.
A fapa Balberan chuan a nu thihna ata a tho leh chu mak a tih thu sawiin, Pathian hnathawh ngei a ni tih a tarlang bawk. Ecuador health ministry lam pawhin Montoya thia puan a nihdan leh thil awmdan chu uluk zawka chhuichian a ni dawn tih thuchhuah siamin an tarlang bawk a ni.
