Your Daily News

A Thiannu Raipuar Chu Thikin A Thah Hnuah A Pumchhunga Naute Phawrhchhuakin A Ruksak!

0 906

Report in a tarlan danin, Brazil hmeichhe pakhat chuan a thianhnai tak naupai mek chu leirawhchana a chhuthlum hnuah a pumchhunga naute chu chawhmeh channa chemte a zaichhuakin a ruksak tih a tarlang. He a thil tih rawng tak avang hian kum 57 chhung zet tang tura hremna pek a ni.

Rozalba Maria Grime kum 27 a upa chuan a thian tha zirtirtu hna thawk lai Flavia Godinho Mafra kum 24 mi chu Aug 27, 2020 khan Canelinha hmunah a hruaia, he hmunah hian a lu ah leirawhchana a chhut hnuah a that zui ta a ni. Tianga nikhawhrelo a awm hnu hian a chhula naute chu phawrhin a rubo ta daih mai a ni. Mafra naute pai hi kar 36 a upa a nih thu report chuan a tarlang. Mafra chu naute chhiata thiput angin lantir a tum a ni.

Tual a thah hnu hian Grime leh a pasal chu damdawi inah an kal a, naute pai anga insawiin naute a hring thut tih damdawi ina thawk nurse te a hrilh ta a ni. Damdawi ina thawkte chuan tiang teh thuta Grime in naute a hrin chu awih theiloin, thil awmdan an chhui zui ta ani.

Darkar 15 chhung zet Police-ten zawhna an zawh hnuah, Grime chuan he thil hi ruahmanna fel tak neisaa kalpui a nih thu a inpuang a, a thian Mafra chu a nuate a it avangin a tihhlum hnuah naute la in amah chu naute pai anga lan der a tum tih a sawi a ni. A pasal pawh 2017 kum khan a thubuai tihtawpsak tawh anih thu thuneitute chuan an tarlang bawk.

Grime chu a thubuai tam takah thiam loh chantir niin, kum 57 chhung tang tura hrem a ni ta a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!