Your Daily News

A Thianṭha Ber Chu A Pasal Ṭawmtir Vein Hmunkhatah An Khawsaho

0 512

Kum 26 mi Terry leh a pasal Britenny Stroup bakah a thian tha ber Lindsay Schoepf -te chu khawvela thian tha ber tia chhal ngam an ni.

An pathum hian California, Glendora-a seilian an nia, an naupan tet atang tawha inkawm ngeih leh thian tha tak an ni. Terry leh a pasal Britenny-te hi an nulat tlangval hnua inngaizawnga an nia, Lindsay hmun danga a thangbo hlanin nupui pasalah an insiam ta ani.

2016 kum khan Lindsay a thiantha berte chenna hmunah lo hawin Terry leh Brittenny te nupa chuan an nupa kiangah khawsa ve tur leh Brittenny chu pasal atan inṭawm turin an sawm tih hriat a ni. Lindsay pawh chuan a ṭhianṭha ber 2 te hnen atanga sawmna a dawn chu lo pawm ve nghalin hmunkhatah nupui pasal angin an awm tlang ta hlawm a ni.

“Kan pathumin kan induat in engkimah kan inhrethiama, khawvel mawina par kan tlan. Mi pakhat chauh hmangaih tur tih chu keini chuan kan tawmpui ve theilo, hmangaihna chu midangte kan tawmtir vea hei hi thil tha tak a ni” tiin Lindsay chuan a sawi lang nghe nghe.

Mak ang reng tak mai chu an pathum inkarah hian itsikna leh rilru chhia pua innghirnghona a awm miah lo tih an sawi a ni.

An inhmangaihzia leh an inkar boruak chu a tha tih tarlan nan Tattoo chhu kaiin mite hmuhah an lantira, an chhungkaw 3 chungchang chu miten sawisel mahsela an mahniaah inrintawkna nghet tak nen hmalam an pan zel tih uar takin an sawi a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!