Your Daily News

A Thawnhnaw Hak In Thuneitute Mit Tikhamin Museum-ah Luh An Phalsak Lo

0 643

Hman ata tawh hmeichhiate hian an taksa leh thawmhnaw inbel chungchangah sawiselna leh demna an dawng fo maia, an tan mite sawiselna chuan tawpin tai a nei thei lo kan ti thei awm e. Thil hotea ngaih ang chi ah pawh sawisel an hlawha, an tan hming chhiat pawh a awl phah reng a ni.

French Literature zirlai hmeichhe pakhat Jeanne chu France rama Museum hming thang tak pakhat, khawvela saruak thlalak dahkhawm hmun hming thang tak Musée d’Orsay tlawh tuma a kal chu staff member pakhatin a lo dang ta tlat tih an sawi.

Jeanne chuan tianga museum a luh theih lohna chhan leh an hnarna chhan chu thuneitute hnenah zawtin museum hmuna hnathawk pakhat chuan a kawr hmathler hak chu kawksakin “Heng ang thawmhnaw hak hi phal a nilo, dan chu dan a ni” tih hrilhin a hmai a sen sen tawn tawn tih a sawi. A thawmhnaw hak chuan a taksa a pholang nasa em mai tiin Museum hmun a luh chu an phalsak ta lo a ni.

Tianga thleibik neia an thil tihdan chu Jeanne chuan Micro-blogging Website lamah a ngaihdan auchhuahpui ve nghalin Museum thuneitute chu an thuneihna diklo taka kengkawhah leh thleibik neia che ah a puh zui ve bawk.

Jeanne chuan “Museum luhka ka thlen chuan Officer in charge chuan ka ticket aimahin ka thuamhnaw, ka hnute leh ka taksa a lo buaipui ber zawk a ni. Tunthleng hian ka kawr hmathler hak chu an tan a thupui ber ang tih ngaihna reng ka hrelo” a ti a ni.

Jeanne thil tawn chu Internet lamah a darh thuaia, mi tam takin Musée d’Orsay Museum chu thleibik neiah leh diklo taka thuneihna kengkawhah an puh ve bawka, he Museum hian Jeanne hnenah ngaihdam a dil tur a ni tiin an ngaihdan an tarlang bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!