Your Daily News

A Sum Neih Let Leh Tuma Bank Rawktu Chu Ram Tana Mihuaisen Mihuaisen ‘National Hero’ Tia Koh Niin Zahna Chibai An Buk

0 2,771

Mak ang reng tak maiin, Lebanon, Beirut-ah pa pakhat chu Bank-ah lutin a chhunga mi lo awm te chu chhuak thei loin a hrengbet zui tih an sawi. A nihna takah chuan hepa hian Bank rawk a tum hran lova, ama pawisa dahsa chu neih let leh a tum mai zawk a ni.

August 11, 2022 (Tue) khan Bassam el-Sheikh Hussein chu Hamra district a awm Beirut Federal Bank-ah silai leh petrol bur kengin a lut a, a pawisa lakchhuah staff ten an phallo a nih chuan amah chu petrol inleihin a inhalhlum dawn a ni tiin thawktute a vaubet a ni.

Hassam hi Bank-ah darkar 7 lai mai a chetla hman a, thawktute vaubeh nan silai vawi hnih khat a hmetpuak bawk a, mi 10 lai mai chu Bank chhungah a hrengbet zui bawk.

An sawidanin, Mr. Hassam hian a bank account-ah Rs.1.67 crore ($210,000) lai mai a nei a, a pa damdawi inenkawlna atan leh thil danga hman turah Rs.7.96 Lakh chu lakchhuah a duh tih an sawi. Darkar engemaw zat an inbiak hnuah Hassam chu US Dollar 35,000 Bank lam chuan an lakchhuahsak tih Associated Press chuan a tarlang.

Sum a lakchhuah hnu hian a mihren behte chu a chhuah zalen nghal vek a, amah chu Police kutah a inpe zui nghal bawk.

Tianga Bank lam leh Hassam el-Sheikh Hussein te an innawr mek lai chuan, pawn lamah mipui thahnem tak an pungkhawm a, Bank kalphung thalo chu an sawisel nasa hle tih an sawi. Hetih lai vek hian Bank a luta mi hrengbettu Hassam erawh ram tana mihuaisen ‘Labanese national hero’ tiin mipuiin an au zui a, zahna chibai an buk ani. Ama sum dah ngei la let tura a beihna chu chhuanawm an ti hle a ni. Lebanon hian sum lamah harsatna namen lo a tawk a, 2019 kum atang daih tawh khan ramchhung mipui tam tak chu sum lakchhuah theih chin bituksak an ni. Ramchhung mipui hmun 4 a thena hmun 3 dawn chu retheihnain a nuai mek a ni.

Heng ang thil thleng hi Lebanon-ah a vawi 1 na a ni mai lova, he thil thlen hma pawh hian Cafe neitupa chu Bank ah lutin, a duhdan angin ama sum a lachhuak tih hriat a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!