Your Daily News

A Silai Mu Zawh Rak Thlengin A Pasal A Kap Chiam

0 469

Thailand nu pakhat chuan a pasal chu a silai mu zawh hmaloh kapin a thi tih hriat ani. September 23 chhunlai ah silai puak thawm an hriat veleh police-te chu che nghalin silai rikna lam chu an pan nghala, a hmun an thlen chuan chhungkawnu Julalak Longlalerng kum 33 a upa chu Silai kengin a fa a pawm bawka pa ber ruang bulah chuan a lo ding tih an sawi.

A pasal ruang bulah a din lai chuan police-ten thu zawtfiah in, Julalak chuan a pasal Jaruek Burapha kum 43 mi chu zu a in nasa tih a sawia kut a thlak fo niin a sawi bawk. Naute tla 11 mi a pawm mek tih sawiin a pasal a kahhlum duh avangin hmun dangah a dah tha tih a sawi lang bawk.

September 23 hian a pasal kum 43 mi khawsakdan chu a tawrhhlelhawm leh zual tih sawiin kut a thlak bakah an kawngka pawh a tichhe zui a ti a ni.

Tukverh darthlalangte pawh tichhiain a nupui thinrim insum zo lo chuan silai a chuha a kap ta chiam maia, ka pawh chhawn hmanloin a hmunah a thi nghal a ni. A taksaah silai kahna hliam hmun 6 lai an hmuh thu an sawi.

A pasal a kahhlumna silai chu a pain amah a inven nan a pe tih a sawia, police-ten manin tualthat thubuai an awrhtir ta a ni. Tiang hian thutlukna siam tawh mahsela chhuichian a nih hnuah thutlukna dang pawh an siam leh theih thu police-te chuan an tarlang bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!