A Phirpui A Unaunu Nen An Bialpa Phir Unaute Chu An Inan Em Avangin An Intawm Palh Thin Tih A Sawi
Brazilian influencer Larissa Lazzarin chuan amah ang tak a phirpui a unaunu Leticia Lazzarin nen an bialpa phir ve tho an intawm thin tih a sawi.
He thu hi Larissa Lazzarin kum 19 mi chuan Zirhtawpni liam ta khan Tik Tok video kaltlangin a tarlang a, video ah hian gym-ah a unaunu Leticia chuan a bialpa Filipe Ortaso chu a titi pui lai a tarlang bawk.
Larissa sawidanin, a bialpa tak chu phir unau mipa pakhat zawk Lucas Orsato a ni a, a phirpui a unaunu bialpa chu a bialpa phirpui Filipe Orsato a ni thung.
Social media lamah influencer Larissa chuan a unau nen an mipa kawp phir ve tho Filipe Orsato leh Lucas Orsato te nen an chungchang thu a auchhuahpui thin a, a unaunu nen hian an mipa kawp chu an in an em avangin a chang chuan an inthleng palh thin tih a sawichhuak a ni. Phir unau tho te hi an in ang em a, an hrehrang thei lo a ti a ni.
Larissa inpuanchhuahna Tik Tok video hi users tam takin an chai luai luai a, 12 millions zet entu a nei hman a ni. An bialpa te intawmdan an hriatin a thente chu an nui ve nasa hle a ni.
