Your Daily News

A Pasal Thi Tawh Chu Bawng No Taksa Angin A Lo Piang Nawn Leh Niin A Sawi

0 379

Mi tam tak chuan nunna nei mihringte chu an thih hnu pawhin taksa neiin nunna nei thildangah an lo piang nawn leh niin an ngai a ni. Mak tak maiin Cambodia hmeithai pakhat Khim Hang kum 74 mi, Kratie Province a khawsa chuan a pasal thih tawh chu bawng note thla 5 a upa taksa ah a lo piang nawn leh niin a sawia, a chhan pawh bawng note leh a pasal thi tawh khawsak dan chu engmah danglamna a awm lo tih a sawi a ni.

Taksa dang pianphung neia pian nawn lehna (reincarnation) hi sakhaw thenkhat inzirtirna pawimawh tak mai a nia, nunna nei tawh phawt chuan a thih hnu pawhin nunna nei thildang ah a lo piang nawn leh thin an ti a ni. He ngaihdan hi 1500 – 500 BC liam ta atanga ngaihdan lo piang kha niin India rama sakhaw lian tak tak Hinduism, Buddhism, Jainism leh Sikhism-te innghahna lungphum pawimawh tak a ni bawk.

Hmeithai Khim Hang chuan Reuters Television a hrilh danin Bawng no leh pasal mizia chu engkimah a in ang vek tih a sawia, in leh lo an ngainatdante leh a khawsak dan chu a pasal chiah chiah a ni tih a sawi. Cambodia ramah hian a ram mipui 95% lai mai chu Buddhist sakhaw zuitu an nia, taksa neia piannawn lehna (reincarnation) chu an ring nghet tlat a ni.

A pasal Tol Khut chu kum liam ta khan a boral tih a sawia, a pasal thi tawh chu Bawng no thla 5 a upa ah hian a hmu leh tih a tarlang a bawk. A pasal mizia ang pu Bawng no chu pawnah pawh khawsaktir lovin mihring angin inchhungah a khawsaktir ve a ni.

Bawng no chu a bualfai thina chaw pawh in chhungah pein zanah pawh inchhungah muttirin a pasal thi tawh Tol Khut lukham ngat a kham thin tih a sawi lang bawk.

Thil awmdan zirchiang tura kal mi pakhat Thach Vin pawhin he bawng no khawsak dan leh in lama a awmdan chu mihring nen danglam a awm lo tih sawiin mak a tih thu social media lamah a tarlang nghe nghe.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!