A Pasal Nick Jonas Nen Inthen An Tum Nia Thuthang Leng Mek Chunchangah Priyanka A Tawngchhuak Ta!
Film star lar zinga khawthlang tlangval hnahkhat zaithiam pasala nei ta Priyanka Chopra chuan, an nupa inkara fans te tihhrilhhaia an ngaihtuahna chawkbuaitu ber an nupa inkara inthen thuhla thuthang awm mek chungchangah awka a rawn nei ve leh ta!
Nimin tlai lam khan actress lar fans te chuan a instagram profile-ah an chhungkaw hminga a chhawm Jonas hming chu a paih tih an hmu hlauh mai a, he thil hian a nupa inkarah buaina a awm ngei ring an tam phah hle. A fans te chuan Nick Jonas leh Actress Priyanka te chu inthen an tum ngei nia ngaiin social media lamah an nupa chanchin chu a thalo zawngin a darh zui ta a ni.
An nupa inthen tumna thuthang leng mek chungchangah hian Chopra nu chuan tawngkam a rawn nei hmasa ber a, a fanu duat leh a pasal Jonas te inkarah eng harsatna mah a awm lo tih tarlangin, an nupa hian an hlim em em a ni a ti.
He an puhna chungchangah hian Priyanka Chopra chuan fans te hmui rawn khar phui leh hmakin, a pasal Jonas Work out video ah romantic comment a rawn nei zui a, “Damn! I just died in your arms” tih a thailang ve leh a ni.
Priyanka Chopra hian nimin tlai lam atang khan thil 2 ah mite ngaihtuahna a rawn luah hneh hle a, a pakhatnaah chuan a pasal Nick Jonas nen an nupa inkarah an inthen mai hlauhthawnna thuthang awm chu a ni. A pahnihnaah chuan Hollywood movie lar tak pakhat a channa Matrix Resurrection lo chhuak hi a ni. Fans te chuan he movie hi an thlir chak tawh hle.
