Your Daily News

A Pasal Mi Pakhat Laka Fa 44 Lai Mai Hringtu Nu Ropui Kum 40 Mi Chu A Chanchin Mite Hriatah A Darh!

0 1,004

African hmeichhia kum 40 mi chuan, a pasal mi pakhat lakah fa 44 zet hringin, a chanchin chu miten an hriat meuh chuan internet khawvelah a darh zui tih hriat a ni.

Damdawi lam inenkawlna a hranpa la la ngai lo nu vannei tak Uganda lam chhuak “Mama Uganda” an tih mai chuan mipa pakhat lakah fa 44 lai a hring a, kum 12 mi a nihin nu leh pa kalsanin pasal a nei a, kum 13 a tlin meuh chuan fa a pai der tawh a ni.

Explorer Joe Hattab-a’n Facebook kaltlanga a tarlan danin, tun dinhmunah a pasal chuan a nupui hi a kalsan a, an neih sumte pawh a tlanbopui niin a sawi. A fate zinga 6 chu an thi tawh a, tun dinhmunah fa 38 zet enkawl tur a la nei a ni.

Arabian pa ngilnei tak in a fate mutna khum chu a leisak niin a sawi a, an zavai hian zirna sikulah a luhtir vek thei a ni.

Hmeichhe kum 40 mi ina fa 44 han hrin mai chu thil awih harsa tak pawh niin a lang. Mahse, Mama Uganda hian a fa hrin vawikhatnaah chauh fa pakhat a hring a, a bak zawngah chuan phir (Twins), triplets leh quadruplets tein a hring tih Writer Linda Anderson chuan a tarlang a ni. Tun dinhmunah fapa 22 leh hmeichhia 16 nungdama enkawl tur a nei a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!