Your Daily News

A Pa Rualbanlo Thattu Nia Rinhlelh Nu Pakhat An Man

0 2,401

Thailand, Lopburi central province-ah nu pakhat chu a pa rualbanlo kum 63 a upa thattua rinhlelh niin police-ten an man. He rualbanlo kum upa tawh lam ruang hi an chenna in atanga hla vaklo, kawngsirah hmuh a ni.

Police officers-te sawidanin a fanu hian a pa rualbanlo dahbo turin a thiante a pun an ringa, damdawi thalo a hmansual avanga rilru buaiin a pa chu a that ta a nih an rin thu an sawi.

Nation Thailand in a tarlan danin he pu tar kum 63 ruang hi sub-sabot district, a chenna in atanga 700 metres a hla hmuh a nih thu an tarlang. A lu, a nak ah leh a koki ahte hliam na tak a tuar niin an sawi bawk. A thih atanga darkar 6 vel a liam tihah a ruang hi hmuh a ni.

Pu tar chenna in an enfiah hnuah chhuatlai leh in chhehvel chu thisen a far nasa hle tih an sawia, a fanu hian a pa thihna chungchangah engmah a hrelo tih a sawia mahse, police officers-te chuan a thiante puihnain a pa hi a thah an ring tho ta a ni. He hmeichhia hi police-ten an kutah an kawl mek a ni.

A thihdan dik tak an chhui zui mek tih an sawia, pawikhawihtu chu hremna na tak pek a ni dawn tih an tarlang bawk.
(Source: The Thaiger)

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!