Your Daily News

A Pa Leh A Pi In An Boralsan Hnuah Mipa Naupang Kum 10 Mi Chu Amahtê Chauha Hun Leh Ni Chhiar A Lo Ṭul Ta!😥

0 2,088

Naupang kum 10 rual velte chu nu leh paten hmangaihna nen enkawlin hlim takin hun an hmang thina, chhungkua chu an inhumhimna leh an innghahna bul ber ani.

Mahse, he vietnam mipa naupang kum 10 mi erawh chuan ‘Ka nu, Ka pa’ tia han koh mai tur a nei ve ta lo. Kum 10 mi lek Dan Van Khuyen chu a pa leh a piin an thihsan hnu chuan a rualpuite ang lo takin mahnia engkim ro inrel a lo ngai ta a ni.

Vietnam media in a tarlan danin mipa naupang kum 10 mi Dang Van Khuyen hi Vietnam thingtlang khaw pakhat Tuyén Quang Province-ah a pianga, he khuaah hian a pi leh amah hringtu a pa nen an khawsa tih a tarlang.

A pa chu khawpuiah inhlawhin sum a zawng thina, pa a nei reng chung siin a pa nen chuan an inhmu khât hle a, a hun tam zawk leh a panlai hun hlimawm tak chu a pi bulah a hmang hnem ber zawk a ni. A pi nen hian sawrkar puihna sum tlemte hmangin leh a pa inhlawhna atang sum an hmuh tlemte hmang chuan hun leh ni an chhiar ve thin a ni.

Hmathlir kawng thui tak zawh tur la nei mek Dang chu vanduaithlak takin a pi kum upa tawh tak chuan dampui reng duh mahsela khuarelsa thihna chuan a pi nunna chu a lo ti tawp ve ta a ni. Tianga a piin a boralsan ta chu a tan chuan nu leh pa boral ang zeta na a ni tih a sawilang nghe nghe. A pi boral hnu reivak loah chuan thu thinṭhawng leh chanchin danglam tak a dawng leh ta tlat mai le! Rinloh takin a pa boral thu chu a hre leh ta a ni. Zirna sikulah a thiante nen hlim taka an awmho laiin a pa thih thu chuan a rawn ṭhawng leh ta thut mai a ni.

Tianga amah enkawltu a pa leh a pi an awm tak loh avangin Dang chuan mahnia khawsak a zir chhoh ve chu a tihmakmawh leh tul a lo ni ta bawk. He naupangtê hian thlai leh eitur mamawh dangte chu huanah chingin amahin a inenkawl zui ve ta tih an sawi.

Hetih lai hian an thenawm khawveng leh an zirtirtute pawhin an fa atan lak an duhthu an sawia, Dang erawh chuan hawihhawm takin amah enkawl an duhna chu hnawlin amaha engkim inrelbawl chu a thlang ta zawk a ni. Chhungkua nun chu chhawm nun zel a duh tih a sawilang bawk.

An zirtirtute chuan englai pawhin an va kan thina, a harsatna leh puih a ngaihna zawnah tanpui intiamin a kiangah an awm reng tur thu an sawi lang ve bawk. He thuziah lai hian a nu chanchin engmah hriat a ni lo thung. He mipa naupang hi a lainatawm rualin a ngaihsanawm hle bawk a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!