A Nupuiin An Awmpui Nula An Rama A Thawnkir Hnuah A Rukin Inluahtur Zawnsakin An Awmpui Nula Nen An Lo Inhmu Thin
Singapore ah pa pakhat chu an awmpui nula (hlawh neia an chhawr) nen an inngaihzawn thu hriat a ni. Tiang hian hun rei tak nupui anga a lo kawp tawh a bialnu hriat lohin an awmpui nula nen an lo khawsa thin a ni.
China atanga Singapore a khawsa nupa tuak (chhan dang vanga hming tarlan loh) te hi dan ang taka innei nilo mahse, hmun khata awmdun an nia, fanu pakhat an nei tawh nghe nghe. Kum 10 liam ta khan Singapore ah hian inhlawh turin an lut tih hriat a ni.
An nupaa hna nei an nih avangin 2017 kum khan Indonesia lam mi hmeichhe pakhat 28 a upa chu an fanu enkawl tur leh a tul anga inchhung lam sekrek khawih turin an ruai ta a ni.
Tianga chhungkua anga an khawsak mek lai chuan an fanutê chuan a pa in an awmpui nula a kuah lai a hmuh thu chu a nu hnenah a sawichhuak ta hlauh mai a ni. Heta tang hian nu ber pawhin an khawsak dan chu ngun taka a chhui chian hnuah a pasal leh an awmpui nula chu an inngaizawng tih Chinese news media pakhat Lianhe Wanbao ah a sawilang nghe nghe. Vawi tam tak paber nen hian an inhauh phaha, a pasal awmdan chu thinrimin contract a tawp hmain Airport lamah an awmpui nula chu hruaiin an ram lamah a thawn haw ta a ni.
A pasal chu an awmpui nula a awm loh hnu chuan a khawsakdan a dang ta hle maia, a fanu pawh a duat thei meuh lo tih a sawi. A nupui nen pawh an inkar boruak chuan zia awm lam a pan thei meuh lo.
Hun a lo kal zela an awmpui nula chu Indonesia ah haw ta lo chuan a rukin a pasal nen an lo inhmu fo maia, May 2020 khan Singapore hmunah ngei an awmpui nula chuan a pasal fa a hrin thu chu a hre leh ta zel bawk. Social media lamah gift man to tak tak a leisak lai thlalakte pawh an pholang nia hriat a ni.
A pasal chuan a ruka an awmpui nula nen an awmdunna tur in dang luahtur chu a lo zawng diam tawha, circuit breaker hun lai atang tawh khan an awmpui nula leh a pasal chu an lo inhmu fo thin tih an sawi.
He thil thleng duhawm lo tak mai hi Ministry of Manpower chuan report an dawn hnuah chhui chian anih tur thu an sawi a ni. Mipaten an awmpui nulate an raitir a nih chuan MOM ah report an thehlut ngei tur a ni tih thuneitute chuan an tarlang bawk.
