Your Daily News

A Nupuiin A Tlanchhiatsan Hnuin A Fapa Rualbanlo Enkawlna Atan Tiin Nitin Ice-cream Hralhin Hun A Hmang Thin

0 614

Hringnun hi zawng hlimni awm mahse, a tawpna chu lungngaihna leh ṭahnaah a chang leh thin! Kan damchhung hun reilote ah hian kawng chhuk leh chho zawhin kan inkalpel mup mup a ni ber.

Thailand ramah pa pakhat Uncle Dam tia an koh mai, kum 87 laia upa chu a nupuiin a tlanbosan tawha, a fapa rualbanlo leh naupang lainatawm tak mai enkawlna hna chu a koah a innghat zui ta a ni.

An pafaa an ei leh in tur bakah a fapa damdawi lam enkawlna tur ngaihtuahin Mr. Dam chu zing takah a thova, a fapa rualbanlo chu Ice-cream dahna nawrhlirhah thuttirin, an in atanga 6KM zeta a hla ice-cream hralhna hmunah an innawr liam ve thin a ni. Kum upa lam tawh tan chuan a hna hi hna awlsam a ni hauh lo.

A ice-cream hralhte chu chhiar to deuh a tum thin tak naa, a regular customer-ten an lo sawisel avang leh a hralh theih loh hlauin 1 ah $0.30 chauhin a hralh zuia mahse, a beidawng ngai hauh lo.

Uncle Dam tan chuan a fapa rualbanlo, a ice-cream hralhna nawrlirha thu ve reng thin chu mupui anga a chakna a siam thar lehna hnar a nia, a fapa chauh chu he khawvela a nunchhan leh damchhan tur a la ni rih si a ni.

Ama sawidanin a fapa chu a lo thang lian zela zawi zawiin amahah diklohna leh rualbanlohna a nei a ni tih chu an hre thuaia, a nupui chuan a fapa dinhmun chu pawm dam thei loin an pafa chuan a tlanchhiatsan ta tih a sawi.

A nupui khawsak dan leh a fapa chunga a chetdan chu a ngaihtuaha mahni nunna hial lak mai pawi tih lohna a neih phah hial thin a ni. Mahse, a ni leh zel awm ta lo se a fapa chu tuin nge enkawl ta ang tih a ngaihtuah chang erawh chuan hmalam panin a kal hram hram thin a ti ani.

“Ka fapa neihchhun rualbanlo nen chuan hmalam hun chauh kan thlira, kan hun liam tawh chu dahboin hlimna kan um ve mek zel a ni. Hmalam hun kan hrilh lawk thei lo ang bawkin nunhlui ngaia rum chu thil sawtlo a nia, pumpelh hram kan tum thin a ni. I lungngai lo phawt ang” tiin Wongnai a hrilh nghe nghe. An pafa in malsawmna dawng tlak an va ni em. A nupui hian Pathian lakah thil pawi a khawih ngei ang le.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!