A Nupui Uire Lai Lailan Nan Party A Buatsaiha, A Chhungte Leh Sawmbikte Hmaah A Nupui Uire Lai Video A Tlangzarh!
Khawvela thil duhawm lo ber pakhat chu uirena hi a ni. I nupuiin mipa dang lakah uiresan che sela, engtin nge i ngaih ang le!
Mahse, he pa maksak tak hian a nupui a uire tih a hriat meuh chuan, a thinlungah amah chauha a ruk a pai chu duh loiin a chhungte leh mi pawimawh tak tak hmaah a puang zar hmak tih an sawi. A nupui hi naupai mek a ni nghe nghe.
Bolivia ramah pa pakhat chuan a nupui a uire tih finfiahna puanzar tumin, a chhungte leh thenrualte hmaah ngei a finfiahna a tichhuak a, he video hi social media lamah a darh zui ta a ni.
A nupui chuan a naupai chu thla 4 a upa anih thu a sawi a, a pasal erawh chuan a naupai chu thla 6 a nih thu a sawi thung. Hei bakah hian amah chu naute pa a nilo tih sawiin, naute pa chu mipa dang daih a nih thu a sawi.
An inhnialbuai lai mek chuan a lawyer chuan nu ber naupai endikna ultrasound an tihna thlalak chu a phawrh a, a laptop lain thil nihna dik tak chu lailanin a awm ta a ni.
Laptop chhungah hian Lawyer chuan nu ber leh a pasal thianpa an uire lai chu a video a lo dahtha a, he video ah hian mipa chuan hrukpuan vengin kawr pawh a ha lo a ni. He video hi a chhungte leh party-na hmun a an mi sawmbikte hmaah, a nupui chu a uire ngei ani tih tarlan nan a pholang zui ta a ni.
Lawyer chuan he hmeichhia hi kum 3 liam ta atang tawh a lo uire tawh thin tih a tarlang a, a uirena pa pawh hi tudang niloin a pasal bul maia thu lukawlh lam deuh a nih thu a sawi a ni.
Video an thehdarh hnu hian an chhungkuaah buaina nasa tak a chhuak zui a, a nupui uirena pa chu kut hial an thlak a ni.
