A NUPUI UIRE A PUHIN HMUN 7 AH ZAI SAWM.

A NUPUI UIRE A PUHIN HMUN 7 AH ZAI SAWM.

A nupui chu uire a puhin a thinrim chuan bangah a intauh tir a. Chumi hnuah a taksa chu electric cutter hmangin hmun 7 ah zai in hmun hrang hrangah a paih.

Pawikhawihtu, Rajkumar hi Jalandhar a cheng niin a nupui a thah zawh hian a thahna hmanrua, electric cutter chu a thiante inah a thukru a. Zawhna zawh turin judicial custody ah a awm mek a ni. Police te hnenah chuan Geetanjali nen 2010 a an inneih thu leh fapa leh fanu an neih thu a sawi a. Thingzaina ah a thawk thin thu a sawi. A nupui Geetanjali chu an inhauh reng thin avangin a unaupa,Kaithal a bulah June 2017 atanga a awm thu a sawi bawk.

November 13 khan Geetanjali chuan a fate thlasik kawr tur pe turin Gandhi Camp ah a kal a, a fate chuan an tuition class kalna tur pawh an nei tawh loh thu an sawi.Rajkumar chu an inluah chhawng khatna ah amah a awmin, a hnu deuhah chuan an pahnih a inhau ri hriat tur a awm ta a . Rajkumar a thinrim chuan a nupui chu bangah a lu tauh tirin a thih phah a. Zan khat roomah chuan ruang nen chuan awmin zingah a taksa chu hmun 7 ah zai sawmin hmun hrang hrangah a paih ta a ni.

November 21 khan police ten lu nei lo an hmu a, December 1 ah Dadri ah ke lawng chauh hmu lehin a hnu ni 11 hnuah pum atanga khup thleng chu chini siamna hmun hlui ah an hmu leh a, Police te chuan a lu, kut leh a ke khing an zawng mek, pawikhawihtu hian tual a thah hnu hian Delhi leh Punjab ah te a awm kual ta niin an sawi.

Hmeichhe thi chhungte hian police te hi an tawiawm tha vak lo a. A pasal unaupa bula a awm hi a chhungte chu an lawm vak lo ni a sawi a ni a. An rinhlelhna hi Rajkumar-a unaupa in Geetanjali bo thu a report hnuah a zual sauh a. Dna test neihnan Geetanjali nu hi koh niin mahse a nu chuan a chhang tha duh lo a ni.

Police te chuan a pasal, Rajkumar a inpuanna ah chuan thil felhlel deuh a awm niin an hria a. Police te hnenah chuan auto-rickshaw hawhin a taksa chu a paih thu a hrilh a, a paihna hmun te pawh a hrilh a. A paihna hmun a sawi loh laiah hmun dangah pawh a taksa bung hi an hmu tho si. Police te chuan inrawlh dang an awm leh awm loh an chhui mek a ni.