Your Daily News

A Nupui Thla Anga A Khawsak Fo Avangin A Vithlum

0 2,044

February 3, 2020 khan Autralia, Perth-a khawsa pa pakhat chuan a nupui chemtein a vithlum tih hriat a ni. Tianga a nupui duh tak a vihhlumna chhan pawh thla (ghost) anga a chet fo vang a ni. Tunah hian a chungchang chu ngaihtuah mek niin ni 3 hnuah thutlukna siam hman an inbeisei tih thuneituten an sawi.

Ihalahewa kum 46 a upa leh Withana kum 44 mite chu 2017 kum khan an chhungte ve ve remtihnain lungawi takin an inneia, a nupui Withana chu Sri Lanka atangin Australia, Perth panin a hruai haw tih an sawi.

Zan khat chu a nupui Withana in Ihalahewa chu a taksa hmehsak (zut) a tuma a pasal chuan thla ang chiah chiaha hmuin a hlau lutuk chuan an mutna khum bula chemte sei zet chu lain a vit ta chiam maia, reilote hnuah Withana chu a thi ve nghal a ni.

An thenawm khawvengte chuan hmeichhe rak vak vak thawm an hriat thu police-te an hrilha, Ihalahewa chuan a nupui chu thla angin a hmu fo tih a sawia a hmel chu hmel dang dang a pu a ti bawk. A pasal sawi danin a nupui Withana chuan “Sri Lanka lamah i zin a nih chuan ka thiante ka tir anga an that dawn che a ni” tiin a pasal chu a lo vau thin tih Court a hrilh bawk.

A nupui neih hnu chuan a hringnun chu thlanmuala awm ang mai a ni a ti bawk. A nupui neih hmain an thenawmten tuai ani tia an sawi chu Court hmaah a pha bawk. Prosector Robert Owen chuan online lamah mi pangailoho awmkhawmna group ah a lut fo niin a sawi ve bawk.

A nupui a that zan hian a ngaihtuahna a buai niin a sawia, a chanchin an chhuina ah 2014 kuma accident a tawh atangin thluak lamah kimlohna a nei tih an sawia, hun engemaw chen chu mental health lama harsatna neite enkawlna hmunah dah a ni an ti bawk. (NY Daily News)

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!