Your Daily News

A Nupui Thi Tawh Ruang Bulah Kum 5 Chhung Zet A Mu

0 758

Nupuite han then meuh chu eng ang takin na ang maw! He thil hi a taka tawng velote tan chuan hriatthiam a har ngei ang le.

Vietnam, Quang Nam Province a khawsa Li Van tia koh chuan vanduaithlak takin 2003 khan a nupui a sun hlauh maia, a tuar thiam lo hle tih an sawi. A nupui thlan sir lam atangin lei kua a hreuha, zantin maiin a nupui ruang bulah chuan a va mu ta thin a ni.

Kum 1 leh a chanve hnuah chuan a nupui ruang chu thlan atangin a la chhuak leha, inlamah a hawn zui ta a ni. Inah chuan a nupui ruang chu hmeichhe lem (doll) ang in a cheia khum 1 ah kum 5 chhung zet a mutpui tih an sawi.

Li Van fapa naupangtê pawh chuan a mut dawn apiangin a nu ruang chu a va kuah hmasa thin niin an sawi bawk.

Li Van’an Lao Dong newspaper a hrilh danin a nupui ruang a kawl avang hian kum khat chuang chu an thenawmte pawhin an tlawh ngam lo tih a sawia, a hnuah chuan ngaiah an nei ve tih sawiin an tlawh fo tih a sawilang bawk.

Tualchhung thuneitute chuan he thil hi ti tawh lo turin thu an pe nghe nghe a mahse, Van chuan a nupui ruang chu phum duh loin a kawl ta zel a ni.

“Kei chu mite tihdan lo anga thil ti duh mi ka ni. Ka nupui hi thi tawh mahsela a thlarau chu kan hnenah a awm reng ani. A kianga ka mut lai pawhin hlauhna chhe te pawh ka nei eih lo” a ti ani.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!