Your Daily News

A Nupui Rai Lai Bakah A Fate 2 Rawng Taka Thattu Misual Chu TV Lamah A Chanchin A Darh Hnuin Love Letters A Dawng Nasa

0 1,549

Tualthat hmang leh misual tia kan sawite hian a tlangpuiin khawngaih an hlawh loh bakah mi hnen atang pawhin hmangaihna an dawng mawh hle thin.

September thla liam ta a Netflix lama a chanchin an tichhuah tak American tualthattu rapthlak tak mai Chris Watts chu he khawvela pa huat hlawhber tia sawi niin a chanchin hian mite a barakhaih hle.

He Colorado misual hian a nupui naupai mek Shannan leh a fanu naupangte 2 Bella leh Cece-te chu rawng takin an nunna a la tih an sawi.

He thil rapthlak tak mai a tih chhan pawh nun thara bul tan a duh vang niin an sawia, mak tak maiin he a chetdan rapthlak tak mai avang hian Chris Watts kum 35 mi chuan tawngkam thlum leh hmangaihna lam hawi love letters a dawn phah teuh thung. Hmeichhe tam takin a kianga hun hman an duh thu an sawi chamchi tih hriat ani. Amah lehkha thawntu hmeichhiate chuan nun bul tan leh tuma a nupui leh fate chunga Chris chetdan chu thil pawiah an ngai lo a ni ber mai.

People Magazine in a tarlan danin Chris Watts chuan Wincosin tân ina a awm mek laiin lehkha thawn a dawng nasa hle a, thinrimna lehkhathawn bakah amah tawngtaipuinate niin a tam ber erawh love letters a ni hlauh thung a ni.

Amah lehkha thawntute zinga hmeichhe pakhat Candace chuan “Ka thinlungah chuan pa tha tak i ni. Ka lehkhathawn hi min lo chhang let ve a nih ngai chuan khawvela hmeichhe hlim ber ka ni ngei ang.” tiin lehkha zuk thawn a!

Hmeichhe dang Tatiana leh Hannah-te pawhin an thlalakte thawnin an ngainat zia leh a kianga hun hman an chak thu an sawilang ve bawk. A chhungkua chu eng pawhin lo buai mahsela tual a thah avang hian Watts chuan a tidiklo phawt maia, mite ngaihah pawh thiam chan ngaihna a awm lo a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!