Russian pa chuan a nupui neih niah, inneih chhimtu mipui tam tak hmuh laiin a nupui thar chu kut thlakin a vawhlum tih an sawi.
Stepan Dolgikh kum 25 a upa chuan a nupui neih thar Oksana Poludentseva kum 36 mi chu a lakah uire ah puhin a vaw chiam mai a, a vuakhlum hnuah a ruang chu kawr thuk takah a paih zui niin an sawi.
He tualthahna rapthlak tak mai hi Russia ram, Siberia thingtlang khua Prokudskoye a thleng niin, tualthahtu mopa Stepan chu kum 18 chhung jail tang tura hremna pek a ni.
Stepan’an a nupui thar kut a thlak lai hi miten hmu mahse a tir lamah an inrawlh ngam bik mai lova, a hnuah Police lam hriattir an nih hnuin tualthattu Stepan Dolgikh chu an man zui ta a ni.
