Your Daily News

A Nupui Neih Niah Hmangaihna Dik Tak A Hrechhuak

0 836

Sawmna dawng hauh lovin i bialpa/ bialnu hluite inneihnaah i tel duh kher a rinawm lo. China rama moneitu leh mote chunga thil thleng hi khawvela thil vang tak leh thil thleng zen zen lo niin social media Weibo lamah pawh a darh nasa hle tih hriat a ni.

Nupa tuak innei lai video tawi hi China ramah a darh chiam hnuin tunah chuan he video hi khawvel mite ngaihtuahna tibuaitu leh mite bengverh tak pakhat a tling a ni.

Ladbible in a report danin nupa inneihna hmunah nu pakhat, moneitu bialnu hlui chu a bialpa hlui auhkir leh tumin mo thuam ngata inthuamin a bialpa hlui nupui nei tur a tihbuai lai hmuh a ni. He video ah hian a bialpa hlui nen an inthen chhan chu amah thiam loh vek a ni tih sawii monu hmaah a bialpa hlui chu ngaihdam a dila amah chauh chu a hmangaih a ni tih hrilhin a banah a vuan ta tlat mai a ni. Tianga an inneihna a tithuanawp bakah a hnenah kir leh turin a ngen hial a ni.

A bialpa hlui nupui nei tur chu a phal thei thlawt lo tih sawiin an inneihna chu a tih tawp saka, rang takin moneitu pawh chuan mittui tla chungin a zui ve ta nghal a ni. Monu pawh chu a hamhaih zova ngawi rengin a pasal tur bialnu hlui chetdan chu a thlir reng mai a ni. A lehlam taka ngaihtuah chuan he hmeichhia hi a huaisen ang reng phian mai.

Inneihna huaihawttu ‘The master of ceremonies’ pawhin a ngaihna tak hreloin “Beisei phak bak piahlama thil thleng a ni, hei ngei hi a ni mahna le hmangaihna dik tak zawk chu” tiin inneihnaa thil thleng chu a sawi chhuak nghe nghe a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!