Your Daily News

A Nupui Neih Ni Leh Football Training Tura An Koh Ni A Innan Avangin A Nupui Neihnaah A Unaupain A Ai A Awh

0 1,347

Mihring tungchho a kalte tan nupui pasal neih nia aia hun pawimawh leh ni pawimawh hi a vang ngawtin a rinawm.

Mahse, Sierra Leone footballer Mohammed Buya Turay erawh chu a nupui neih ni turah a inziah luhna football Club Molmo FF chuan koin a kal a phalsak hauh lo tih hriat a ni.

West Africa, Sierra Leone lam chhuak Mohammed Buya Turay kum 27 mi chu Sweden football club Molmo FF ah a inziak lut a, July 21 liam ta kha a nupui neih ni tur niin, inkhelh lam a ngaih pawimawh em avangin innneihnaah erawh a tel thei ta lo a ni.

A nupui neih ni July 21, 2022 ah tak a inziahluhna Club Molmo chuan training turin an kova, inneihnaah a kal tel theih tak loh avangin a unaupa zawk chu a aiawhin inneihnaah a ding ta ringawt mai a ni.

Mohammed Buya Turay chuan, “Duhaisam ka bialnu nen kan innei ta chu a va hlimawm em! Mahse, inneihnaah ka tel theih loh avangin ka unaupa zawk chu mopa ah a tang ta zawk a ni. Club ah hnehna kan chan hun chuan hlim takin honeymoon kan hmang dawn a ni” tiin Afton Bladet a hrilh a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!