A NUPUI LEH IN CHHUAHSANIN AIRPORT AH KUM 10 CHHUNG A KHAWSA
Chinese pa pakhat Wei Jianguo kum 53 chu Beijing khawpui a airport pakhatah kum 10 chhung meuh a khawsa a ni.
Mr. Wei Jianguo hian kum 2008 khan a hna a chan a chu ta tang chuan a rilru hah chuan zu inah a tlak a, Mahse pu Wei’a zu in reng chu a nupui chuan a lo ngai thei thak lo mai a, a zu in avang chuan an nupa chu an inhauh buai deuh reng avangin Pu Wei’a chu electric pot kengin Beijing airport lamah ah kum 2008 khan a in suan lut ta a ni.
Pu Wei’a chu airport ah chuan kum tam tak a khawsa a, eirawng inbawl nan in atanga a ken chhuah electric pot chu hmangin airport ah eirawng a inbawl mai thin a ni. A ei leh in tur mamawh te chu airport ah sorkar hnen atanga a dawn thlakhatah yuan 1,000 chuan a lei mai thin.
Pu Wei’a chuan a duh hun hunah in ah a haw theih thu a sawi a, mahse in ah chuan zu a in theih dawn loh avangin in ah a haw duh lo niin a sawi.
Khawvela Airport a cheng rei ber chu Iran mi Mehran Karimi Nasseri a ni a, a ni hi Paris charles de Gaulle airport Terminal One ah kum 1988 atangin kum 2006 thleng airport ah a khawsa a ni.
Kum 2004 a Tom Hanks’a channa film The terminal pawh kha Mehran Karimi Nasseri chanchin behchhana chan a ni nghe nghe a ni.
