Your Daily News

A Nupui Hnenah “Vawiin tlai hi ka zanriah ei tawpna ber tur a ni thei” Tiin A Nupui Chaw A Barha, A Nupuiin A Mittui Dang Zo Loin Lungchhe Takin A Ṭap!

0 1,991

Myanmar ram buaina chuan a tawng sang tial tiala, nitin maiin sipai kut tuara thi leh hliam pawh a pung chho mek zel a ni. February 28 kha nikhat chhunga sipai kuta thi an tam ber tum niin, mi 28 ngawtin nunna an chan a ni. Hliam tuar enkawl ngai mi engemaw zat an awm bawk.

Sipai sawrkar do let nan theih tawp chhuahin mipuiten movement lian tak an kalpuia, chu CDM tia vuah a ni. CDM kalpuina chikhat atan mipui sang tam takin kawng an zawh mup mup a, sipai sawrkar chu theih tawpin an do let ve bawk.

Hetih lai hian Myanmar ramchhungah nupa tuak video pakhat chu a viral chiam tih hriat ani. Pa pakhat chuan he video ah hian nidang ang lo takin a nupui chaw a barh a, a nupui chuan mak a tiin “Engvanga nidang ang lo taka chaw min barh nge maw i nih le?” tiin a pasal chu a zawt zui ta nghal a ni.

A pasal chuan a nupui zawhna chu chhang letin, “Naktuk February 28 khian nu ber Aung San Suu Kyi tan ral ka do a tul dawn a, vawiin tlai hi ka zanriah ei tawpna ber a ni thei a ni. Lo inenkawl tha ang che aw” tiin a hrilha, a nupui chu a pasal thusawi chuan a mittui titlain lungchhe takin a tap zui ta a ni.

Hemite nupa chungah hian engthil nge thleng ta chu hriat a ni lova, an video erawh chuan mi thinlung a khawihin, a darh nasa hle tih an sawi.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!