Your Daily News

A Nupui Hlui Bialpa Thar Zahmawh Samurai Hmanga A Tansak Lai Chu A Nupui Hlui Kutphuarin A Enluihtir Hnuah Ama Nunna A Inla Zui

0 382

Carlos Sande Fidalgo tia koh, Real estate bussinesman chu Portuguese hmarlam thingtlang khaw pakhat Spain ramriah khawsa niin Nuria Rodriguez Gonzalez nen an innei tih hriat a ni.

Mahse, a nupui nen hian an innei rei lo hle a, March thla liam ta khan a nupui Nuria Rodriguez Gonzalez nen hian an inthen leh ta a ni. A nupui hlui Nuria chuan bialpa thar a neia, Luiz Meguel Fernandez nen an inzui tih an sawi. Carlos hi pa thikthu chhe ve tak niin a nupui hlui in bialpa dang a nei chu a ngaihdan dan a ni lo hle a thiknain a khat a ni ber.

A nupui hlui leh a bialpa thar kum 53 mi Luiz Miguel Fernandez te chu Gondufe khua, South Ponte Lima atanga hla vak loah holiday an hmang tih hriat a ni. Tianga a nupui hlui Nuria Rodriguez Gonzalez-te hun hlimawm tak hmang dun chu Carlos Sande Fidalgo, Nuria pasal hlui chuan a thik ta tlat maia, a nupui hluiin bialpa dang a pawm ta mai chu a pawmpui thei ngang lo a ni.

An holiday home ah kalchilhin a bialnu hlui Nuria chu a kut a phuar beta a mit hmuh lai ngeiin a bialpa thar Luiz Miguel Fernandez zahmawh chu Samurai chemte sei tha tak leh hriam zet katana hmangin a tansak ta a ni. Tianga rawng taka a che lai hi a nupui hlui chu a enluih tir tih hriat a ni.

Tianga a nupui hlui bialpa thar a sawisak hnu hian a nupui hlui Jeep khalhin a tlanbo zui ta a ni. A tlanbona Jeep hian a car BMW 740 chu suluiin Rande Bridge Spanning Vigo Bay bul leiah a thlawk thla zuia a thi ve nghal tih hriat a ni.

Portuguese Daily Diario de Noticias tarlan danin Investigator-te chuan Carlos hian a nupui hlui Motor ah GPS a dah an ringa hemi hmang hian an khawsakdan thlithlaiin rawng takin a che zui ta niin an tarlang bawk. Pawikhawihtu ruang hi Nilaini tuk khan hmuh a ni. Police-ten thil awmdan an chhui zui mek a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!