Your Daily News

A Nupui Duhtakin A Boralsan Hnuah Lehkha Târin A Khawhar Hnem Tur Leh Amah Kawmhlim Ve Turin Mite Hnenah Puihna A Dil

0 1,004

Tony Williams kum 75 a upa hi Alton hmunah khawsa niin vanduaithlak takin Kumin 2020, May thla khan a nupui, a hmangaih em em mai Jo, kum 75 mi ve tho chuan a boralsana, a khua a har thei hle tih a sawi.

Amah hi Physicist niin a hna a chawlhsan tawha, a nupui Jo nen chuan fa an neih theih loh avangin a nupui bak chu han biak leh han titipui tur a nei meuh lo. Thenawm khawvengte lah han kawm leh biak theih pawhin an awm bik silova a khua a har thin hle a ni.

Zingah a thoa phone a rik beiseiin phone dahna bulah chuan a thua mahse, tumah rawn call emaw lo biak tum pawh chu an awm chuang si lo! Khawharna chuan a chamchilh tlat emaw tih mai turin awm ngaihna reng a hrelo a ni ber.

A khawhar lutuk awm ngaihna a hrelo chuan a tukverh darthlalang ah lehkha târin thian tha a mamawh tak zet tih thuziak chu a tar chhuak ta ani.

A lehkha târah chuan tihian a ziaka, “Ka nupui duh tak leh ka kawppui tha ber Jo ka hloh tawha, tumah thian han biak tur leh han titipui tur pawh ka nei ta meuh lo a ni. Darkar 24 chhung teh meuh ngawi renga hun ka han hmang thin chu tawrh zawh rual a nilo. Tunge min tanpui thei ang le?” tiin mite puihna a ngen ngawih ngawih mai a ni. A lainatawm kher mai.

A khawharna hnemtu tur chu zawng chhunzawm zelin tualchhung Newspapers-ah Advertisement 2 a tihchhuahtira, a thian ni thei leh amah titipui theitu hnenah £120 zel a pe dawn tih a tarlang zui bawk.

Legal Secretary hna chelh lai Jo leh a pasal Tony-te hi kum 35 liam taah khan Zu Dawrah an inchhar hlawl maia, nupa inngeih leh hlim thei tak an nih thu Tony chuan sawi.

Kum a lo ral zela, a nupui Jo chu hrawk cancer a ni tih an hmuchhuak hlauh maia, a natna an hmuhchhuah atanga 9 a liam hnuin a boral zui ta a ni. A nupui boral hnu chuan nun khawharna chuan a chenchilh a ni ta ber mai, a khua a har ngawih ngawih thin tih a sawi a ni.

A hnuah a chanchin an hriat chuan a thenawmten a harsatna ah tanpui an intiam thu an hrilh ve ta nghala, a lehkha târ chuan tu emaw tal thinlung a thleng pha ve ngei ang tiin beiseina nen hmalam hun a thlir ve mek bawk a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!